Eg held eit dokument i eine handa
og åpnar det med andakt, byrjar lese.
Kva er no dette? Er det propaganda?
Her er ein foreløpig eksegese:
Kvar einaste figur er tynga ned
av traume, tvil og mørke barndomsminne.
Og likevel er alle utstyrt med
ein dragnad mot å alltid måtte vinne,
og med moral av aller høgste merke.
På lette føter spring dei over taka
og somme flyg i lufta. Dei er sterke
i hug og musklar, og dei trur på saka.
Dei lever bak utførlege fasadar.
Eit liv i kamp krev ro. Men deira strid
tek form av endelause maskeradar.
Der kjempar løyndomsfulle individ
ein kamp om hegemonisk makt. Eg skal
avslutte med ein enkel refleksjon:
Det handlar eigentleg om korleis vald
gjev større rett enn kjærleik, tru og von.
Foto: Bradley Weber
Kommentarer
Legg inn en kommentar