Vi har atter mottatt et brev fra Sverre G. Skogvik, som for en tid siden delte sin bekymring for Twitter etter den afro-amerikanske forretningsmannen Elon Musks oppkjøp av Big Tech-giganten. Vi publiserer brevet i uavkortet form.
Kjære Würmstuggu
Takk for at de publiserte brevet mitt om kvalane eg har gått med når det gjeld Twitter. Det hjelpte meg til å treffe eit val eg kan stå inne for. For nokre dagar sidan annonserte eg til mine «followers» at eg snart kom til å forlate plattforma, og etter eit par-tre påminningar om planane mine, gjekk eg i dag til det endelege skrittet å forlate mikrobloggtenesta som har vore så viktig fot meg sei seinaste åra. (Eg har rett nok ikke sletta appen enno, for eg vil ha moglegheita til å følje med, men frå og med idag vil eg ikkje lenger poste noko på Twitter, kan hende sett bort frå fra ein og annan retweet. Dessutan vil jeg halde fram med å «like» postane til mine «allies».)
Men det betyr ikkje at eg har slutta å mikroblogge. Langt ifrå! Eg har nemleg slutta meg til den stadig veksande straumen av mikrobloggarar som har gått over til Twitters konkurrent Mastodon.
Dette er eit nytt nettsamfunn som eg verkeleg har tru på. Mange kjente andlet frå Twitter har allereie funne vegen over, og sakte, men sikkert er den norske Mastodon-serveren «Snabelen» i ferd med å bli eit godt alternativ til den alt meir høgreekstreme trollfabrikken som Twitter har vorte etter at Elon Musk overtok eigarskapet. Mastodon er eit desentralisert sosialt medium der nettroll og bots ikkje har teke over, og kjendisar og maktpersonar ikkje treng å betale for premium-medlemskap.
Mastodon byrjar allereie å likne «gamle Twitter», og det er ingenting å utsetje på entusiasmen. Vi er ved godt mot og oppmuntrar kvarandre kvar dag til at dette kjem til å bli ein fin stad å vere, berre vi vert litt fleire. Dei gamle kjenningane er godt i gang med å «tute» (som det heiter på Mastodon) om kjepphestane sine. Miljø, klima, mangfald, rasisme, LGBTQIA - ingen tema er for kontroversielle, og humoristane blant oss glimtar til med skråblikk og sylkvasse observasjonar om både det eine og det andre.
Men alt føregår i ansvarlege former. Me har mellom anna diskutert om det er greit å ha norsk flagg i profilen. Norske flagg kan jo verke ekskluderande for folk som tilhøyrer minoritetar, og elles vekke assosiasjonar til rasisme og fascisme. Men kva om det norske flagget vert supplert med eit LGBTQIA-flagg? Som du ser, er me ute etter å finne konstruktive løysingar, ikke skrike til kvarandre som uforsonlege ekstremistar. Me er alle opptekne av at Mastodon skal vere ein trygg plass, ikkje ein stad der rasistar, terfar, gubbar og replyguys kan skape giftig stemning. Det er nesten ikkje måte på kor mykje betre, tryggare og meir oppbyggeleg Mastodon er enn Twitter.
Når det gjeld Teslaen min, har eg ikkje treft ei avgjerd enno, men eg hellar mot å selje han. Eg vurderer å kjøpe ein tysk bil i staden, kan hende ein Mercedes eller BMW. Tyskland har jo strenge lovar når det gjeld kva som kan publiserast på sosiale medium, og tyskarane er ikkje redde for å ta opp kampen mot dei store EDB- og Big Tech-bedriftane, deriblant Twitter. Her er Tyskland eit føregangsland som synar kva ein sterk stat med eit strengt lovverk kan utrette.
Eg vil oppmode alle Würmstuggus lesarar til å følje mitt døme. Kom deg over på Mastodon og sel Teslaen! Livet er for kort til å gjere ting ein angrar på.
Med optimistisk helsing
Sverre G. Skogvik
Skarnes
Würmstuggu svarer:
Takk for interessante tanker om noen av vår tids viktigste saker. Det virker som Twitters dager er talte, og Elon Musks forretningsimperium står for fall.
Kommentarer
Legg inn en kommentar